añu 1967: Jorge Vigón (I)

Pueblo: Diario del Trabajo Nacional: Añu XXVIII Númberu 8629 (Madrid) del 29/05/1967 - fueya 37

----

Entrevista a Jorge Vigón Suero-Díaz (Colunga 18/05/1893-Madrid 13/02/1978) Xeneral y Ministru franquista.

Foi un de los ideólogos del golpe militar de 1936, colos cursos de formación qu'impartió y, especialmente, dende la revista "Acción Española".

Caméntase que foi un de los qu'armó la contratación del "Dragon Rapide".

Ministru d'Obres Públiques (25/02/1957-07/07/1965), Premiu Nacional de Periodismu (1949), Premiu Nacional de Lliteratura (1950), ...

Y hermanu de Juan Vigón Suero-Díaz (Colunga 30/10/1880-Madrid 25/05/1955) que tamién foi Xeneral y Ministru franquista. Encargáu de la educación de los fíos del rei Alfonso XIII (1925-1930). Participó na toma d'Uviéu a los revolucionarios n'Ochobre de 1934, y na cayida del frente norte na guerra civil (con medalla y ascensu pola toma de Xixón).

Foi Xefe del Altu Estáu Mayor (dos vegaes), Ministru del Aire (1940-1945), y llevó les negociaciones del alcuerdu billateral colos Estados Xuníos (1953), ...

----