añu 1885: Al «Carrocedo» ... d'Ángel de la Moría

El Oriente de Asturias: revista semanal de intereses morales, materiales, noticias y anuncios; Añu I Númberu 4 (Llanes) del 25/04/1885 - fueya 5

AL  «CARROCEDO»

    Llagrimina de Dios, rapaz parlleru,
enrriador y espumosu gorgoritu,
gotera d'un llagar del infinitu,
sorbiquín corredor y bullangueru.
    Siempre rebizcador y gayasperu
lixeru y blincador como un cabritu
que sin miéu al escayu ú al espitu
abaxas dend'el mont'hasta'l Riberu !	
    ¿ Qué música é meyor que tó mormullu ?
¿ qué canticu hay igual á tó sormiella ?
Yo q'aborrezo'l mundanal barullu
y tó so'l corazón dura postiella,
sólu me queda'l placenter'orgullu
d'haber nacíu á tó floriada oriella.

                    ÁNGEL DE LA MORÍA

Méjico 1885.