añu 1907: Los famosos asturianos

The Greenville Journal, Vol 76 Númberu 12 (Greenville, Ohio, USA), 03/10/1907- fueya 5

Los famosos asturianos

Asturies, d'onde toma'l so títulu'l príncipe herederu d'España, yá nun esiste oficialmente, tras convirtise en 1833 na provincia d'Uviéu, pero'l nome sobrevive con fuerza na fala común. Ye un de los topónimos más antiguos d'España, ya que los asturianos yeren famosos na dómina romana poles sos cualidaes guerreres, polos sos caballos apreciaos pol fermosu movimientu de les sos estremidaes, y tamién, según una interpretación d'un pasaxe de Lucano, poles cares pálides de los sos habitantes mineros d'oru.

Asturies ye una rexón protexida peles montañes y resistió tiempu enforma escontra los romanos y llueu escontra los moros, polo que la fala de los asturianos, conocida como bable, ye más cercana al llatín qu'otros dialectos españoles.