añu 1930: Pa qu'apuntes pa otra vera ... de Marcos del Torniello

El Noroeste: diario democrático independiente, Añu XXXIV Númberu 11877 (Xixón) del 30/08/1930 - fueya 3

DE NUESTRO POETA VERNÁCULO
--------------
PA' QUE APUNTES PA' OTRA VERA

    Que tienes que decime, Pilarina,
que tengo querer a Filomena,
de les de Antón, la más morena,
la más trabajadora y melguarina.

    La que, tando en amores con Vallina,
tuvo que lo dexar con mucha pena,
por arrimái la cesta na verbena
de la fiesta de Muros con Falina.

    Pos ten punto Pilara, nesi punto,
que, anque me consideres un magüeto,
non me importa un arbeyu todo xunto.

    Y tá bien que lo sepias, en secreto,
si me quies atrapar con esi unto,
que limpies el focicu col soneto.

Marcos DEL TORNIELLO