añu 1922: Publicidá d'EL SAN LUIS (V)

La Prensa: diario independiente, Añu II Númberu 414 (Xixón) del 03/11/1922 - fueya 3

Buñuelos de viento ... ¿¿ de Ludi ??

Buñuelos de viento

Por entre el fango, camín del «Sucu»,
como les tropes en pelotón;
faciendo balsa y armando bulla,
va al cementeriu mediu Xixón.

Siempre dispuestos a la folixa
los d’esti pueblu tienen qu’estar.
¿Qu’hay asuntu de gran respetu?
¡Pues más en guasa lu han de tomar!

El marabayu d’autos y coches
fai que s’aumente más el burdel.
Ni el día de Granda; ni el de Santiago;
pasa por Ciares mayor tropel.

Unos carreten: lápides, verjes,
cruces soltando tufu a barniz;
y otros, corones, feches con fueyes
de flor de malves y de maíz.

Hailos que lleven: cuadros, faroles,
recordatorios, cera a mamplén;
y pensamientos de más calibre
que los de Schiller o «Lafontén».

Muchos pilletes, al pasar frente
del cementeriu de lo «civil»,
corren pensando que allí reposen
los del tricornio; sable y fusil.

Dentro del «Sucu», muchos mazcayos
tomen aquello por diversión:
xiblen; dan cales; echen piropos;
una completa profanación.

Muchos Tenorios de nuevu cuñu
van decididos tras de su Inés,
y, al atopase—¿cuánto haz la fame!—
juntos deliren bajo un ciprés.

Un viudu ricu qu’a la difunta
fizoi de mármol un panteón;
«fue a vela» en auto; y a la salida
marchó de «truenu» con un pendón.

Y a una argentina, viuda dos veces!
que a «poner flores» en coche fue,
su tercer gaucho, que la acompaña,
calcai peñizcos sobre el corsé.

Quiso un borrachu, la fresca tumba
ver de su suegra, dando traspiés,
y ante la fosa, sacando un frascu,
regoi les flores con capilés.

Mirando atentu nichos y tumbes
por todes partes, con atención,
mil epitafios vi muy curiosos;
voy a copiavos «una porción».

«Aquí se pudre, pates p'arriba,
Celso Tarumba. Fué mocipal;
bastante anduvo pates p'abajo
po les esquines o en un portal».

«Pastia muy tierna pa los metales
tomó Gumersa por um error;
era talmente «puré de fabes».
Aquí se hospeda. ¡Murió de AMOR!

«Yaz aquí fritu Cleto el Bomberu;
fué siempre un hombre muy arrojau;
ye aquí el que apaga los «fuegos fatos».
Era muy juma. ¡Murió quemau!»

«Aquí reposen los nueve cachos
que s'alcontraron de Xuan Micó;
por gastar bromes con un «carburo»;
dió un estallidu, y allí «palmó».

«Murió Blas López fai dos semanes
del estornudu diciendo: «¡Áchis!»
Anduvo siempre con poca ropa.
Non pasó nunca por EL SAN LUIS»

Estes visites de cimenterios
sirven a muchos de diversión.
Señas Encinas diz que debieren
de suprimise. ¡Sóbrai razón!